النتائج 1 إلى 1 من 1

الموضوع: خواطر ليبيه

  1. #1
    الصورة الرمزية نورهان الحسينى
    نورهان الحسينى غير متصل طالب ثانوي
    تاريخ التسجيل
    Oct 2013
    الدولة
    القراءة
    المشاركات
    511
    شكراً
    0
    شكر 0 مرات في 0 مشاركات

    خواطر ليبيه

    خواطر ليبيه


    ماني امهاجر ،، ولا هو غلا بالغش فيه انتاجر ،،، غلاكم ملا العيون
    ***
    تجفا اللى يجفاها .. وتقيم صوب من غاله صحيح غلاها .. العين فى الغلا تجفا
    ***
    الصبر عطينى ... الغالى بكاء ماهو أقبالت عينى ..يالله صبرنى الصبر عطينى
    ***
    خلك بعيد علي ..مادام المحبه ما عاد تعني شي .. بالله ابعد وخلك بعيد علي
    ***
    فوق القمة وحق من خلق موسى ورده لامه... عندى امكانك فووق ..فوق القمه
    ***
    موش رسايل" ولامسجات فى نقال قولت قايل" كلام من صميمي ماعليك انحايل
    ***
    الله يحفظك مافيك شي انذمه ...غالى وغالى فوق مااتخايل وانت صميم القلب وانت دمه
    ***
    راني حي .. لكن بلاكم موش حامل شي ..ان كان تنشدوا عالحال .. راني حي
    ***
    بدري بدري .. ان كان في عيون عزيز ينقص قدري .. ايجيبك الله ياموت ..بدري بدري
    ***
    واضح بلا تفسير .. لا يريد قاضي ولا يريد خبير .. قدرك معانا فات قدر الغير
    ***
    في ناس كيف الدوا تمرض اداوي بيهم ..وفي ناس كيف الهوا ماتعيش الا بيهم
    ***
    ماهو مني .. يجيني عليك ارياف غصبن عني .. تعود عليك القلب ماهو مني
    ***
    ياعروق عروقي .. واخذ ريافي والحنين وشوقي ..وماهن خسارة فيك
    ***
    ديدش الخاطر في طريقك قوده .. بات منعمي مو عارف طريق العوده
    ***
    الخاطر كان صابه دهاب الشيره .. ينهوه على دير الخطا ويديره
    ***
    سببها رنه .. سمعت صوتك ألقيت فيه محنه .. الخاطر تعلق بيك سببها رنه
    ***
    ميت موت على شوفتهم ****** يحسابوا عقلى فايتهم
    ***
    غلاكم ما طقه مخلوق ***** مكانه فى منبت العروق
    ***
    يا مالكين الروح ديمة رنو لا تقطعوا علينا وديما حنوا
    ***
    عندك حق ابكى ياروحى... جريتك للنار بروحى
    ***
    بدا خاطري مشتاق زاد جنونه... كاتر لهيب النار فى كانونه
    ***
    عزيز تكبر مايحساب... عقاب الدنيا تحت تراب
    ***
    لو كان ليك إندزه تنسى روحك وإللى حذاك تلزه عندى غلاء .. لوكان ليك إندزه.
    ***
    ايقول الاول,,في ميال غلاك اغرقنا .....دور غواصه ولحقنا
    رد عليه الثاني,,قلنالك ما تعوم بحرنا ....راهو تموت علي خاطرنا؟
    ***
    شتاوة مصريه...يا مرهون أعملك إيه ..أنت مش طايقني ليه
    ***
    مانك منهم... كلك حنان ودوق تفرق عنهم ... مانك متيل الناس مانك منهم
    ***
    ماله بنة عندي العمر متكدر إحليلي منه . . . بلا شوفتك هالوقت ماله بنة
    ***
    نبقى ضالم ... يلى بغلاكم بس ربى عالم ... لو نسيتكم من البال نبقى ضالم
    ***
    ناجحه مقبول.علي ضعفها منهو اللي مسؤول العين في غلاكم ناجحه مقبول
    ***
    جفاك مطول لا بالله مانك وليفى الاول اللى نشغله وين ما عليه انطول
    ***
    حاجه روعه حسك رقيق وضحكتك دلوعه جميع الاوصاف فيك حاجه روعه
    ***
    ضايق علمي وين ما انغفي ننضره فى حلمي خلاني عزيز انحوس ضايق علمي
    ***
    مزال قلبي على الوفاء ما خانك وصعب نسيانك وصقع على غيرك إيجي مكانك
    ***
    نسكت ونسنط سطير عظامي... عندي خير ماتسمع الناس كلامي
    ***
    غلاكم يا العزيز علي جنب غلاء الاهلي بشوية
    ***
    إمرايف عليك أرياف نادر نوعه ... إمخلط غلا ودموع فوق اللوعة.
    ***
    لو صبيت بالخوصة تبي تقتلني .....افطن تنخس روحك وتزعلني
    ***
    غلاكم وين عجاجه يرقى ..لا يخلي كاغط لا ورقه
    ***
    مرايف يالولاف عليكم ...وحده وحده نين انجيكم
    ***
    ياريتني مابين رمش اهدوبك **نسقيك الغلا والناس مايدروبك **ياريتني نقدر انخش احلامك*
    *انجيب المطر يسقن ربيع ايامك**وانخلي دفء الحب النقي قدامك**وانخلي زها الايام دوبي دوبك
    ***
    تسلم حياتك وطابت اوقاتك يلى يزهى القلب ب ملاقاتك وتضحك العين كان راتك
    ***
    زايد حده .... جمال فى عيونك .... نين قلبى هده .... خلاص ارحمى
    ***
    معاد فيها ابصارة ,, كل الدباب اليوم من الفليت احيارة ,, ماعاد نسمع زنهم
    ***
    كان الجفا يرضيك يا مجفيني نصبر على فرقاك لين تجيني
    غوالي عليا أعزاز كيف عيوني ..لا شلتهم من البال ..لا نسيوني .****
    ما شلتكم من بالي قاعد غلاكم كيف قبل وتالي متل الدهب في السوق سعرا غالي
    ***
    مع العزاز طريق بدينا... نمشوا عالسمحه والشينه...
    ***
    ما زلت نا الحنون حتى وأنت جافي وطلتك بالهون
    ***
    وحق من نزل القران سورة سورة غلاك وسط القلب واخد دوره .. يلي عليا تعز
    ***
    فاقد حنين الكبد لكن صابر .. بنموت من فرقاك غير إنكابر
    ***
    مانك هاين سوا غبت ولا عالنواظر باين قدرك كبير معاي ....مانك هاين
    ***
    يابعيد علينا . كل يوم طيفك فالمنام يجينا_ماغبت عنّا
    مايوم عنّا غبت . حتى وانت متباعد وماقرّبت
    في غيبتك طيفك النا عقبت . كل يوم ياغايب يونس فينا
    ***
    ياعيني في عز ربيعك********* مانحساب عزيز يبيعك
    ***
    الليل بطوله .. عليهن خطر غالى صعيب وصوله ..سامرات ما باتن الليل بطوله
    ***
    ديمه تصير .. يرخى عزيز يبدا نصيب الغير .. هى مصيبه صايره وديمه اتصير
    ***
    نرجوك ياغزيز ادير حتى رنة....العين سامرة منك خبر تستنى
    ***
    بالله ياناوي الرحيل استنا خود قلبى ودير بالك منه
    ***
    هنت الغلا نلقنك قصرت ...صحيت ومنور عليما درت
    ***
    غير يجيني مازال في عقلي ان هو ناسيني نلقاله عزيز العذر غير نشوفه
    لا نريد عذر لا نريد حلوفه اللي في غيابه كبدتي ملهوفه القاسي اللي ما حن كيف
    حنيني من غير عذر مقدرين ظروفه عندي عزيز وجيته ترضيني
    ***
    يا مصعبها .. بعيد صبحها و بدري حضر مغربها ليلة بلا لولاف يا مصعبها ..
    ***
    امشيلهم طمني وقول للغوالي شي وااااحد عني .... غلاهم غلاهم رفيق العمر قطعة مني
    ***
    ماني راخي نار الجفا تاكل وزاد صراخي واني فيك متمسك وزاد صراخي
    ***
    قاعدين رفاقه لين البحر يصبح لذيذ مذاقه ع الصوب ديما قاعدين
    ***
    لو نضمن في النوم تجوني ... راقد من المغرب تلقوني
    ***
    الرقم القديم القيتَ داير رنه..........ايش خطره وايش جاب عقله كنه.
    طلبته طول ما با ايرد او دارلي مشغول....وين انرن عليه وين نطلبه مقفول .
    عرفته انه غلطان موبيديه........وايام الغلا نحسابهن هفنه.
    او مادام رقمنا قاعد اومو ماحيه.......غريب علي ليام ما نسنه
    ***
    كرموس يوفى و الورق يا ليمه و الموجعه في القلب تقعد ديمه
    ***
    كل يوم نتمنى اندير قصيدة بيش نمدحك يمي رضاك انريده
    ***
    ساكت وماعندي كلام انقوله للي بعيد وماقدرت انطوله
    ماعندي كلام انرده إلا العين تبكي من حوايج عدة
    بعدك وشوقي ليك زايد حده
    منك انهاتي حالتي معلولة
    وسط الوطا ماضن قلبي ايسده
    بلا شوفتك زادن عليه احموله
    ***
    جاهم النوم وناموا . اللي واخدين العقل مايلتاموا. أعزاز رقدوا
    ***
    الخاطر يتمني يلقاك و يحكي معاك و ما يتحرك من يالاك
    ***
    يا نسمات الليل امشيله... الغالى فى ودنه قوليله... فى الدنيا مالقيت متيلة.
    ***
    معاكم فى الغلا كان ضاع رانا ضعنا... ومع غيركم كان ضاع مايوجعنا.
    ***
    قديم نسيته تعرف ليش !! الى ماتت معاد تعيش
    ***
    يا الله ديما ديما لا تشوفي هم و لا تجيك ظليمه و يجعل خطاك منوره و سقيمه
    ***
    خلاني قلت انخليه.دعايا بكرة يبان عليه
    ***
    ويش ايشيله لاعزم عندى لاجهد لاحيلهغلاكم سكن فالقلب ويش ايشله
    ***
    النشده خير وحق الغلا والحب ولتقديرعليكى يا المرحه النشده خير
    ***
    ياجافينا ركز وصوب بالرصاص علينا**كنك نويت الهجر ياجافينا
    ***
    محبة خوت ماهي محبة زايفة***في اعيوني يبان الشوق وانت شايفة***ماهو طمع في جاه.
    ***انعزك لوجه الله***ولي عين من طول الغياب امرايفة**محبة خوت ماهي محبة زايفة
    ***
    عيني ما حاجة تبيها غير اتشوف عزيز عليها
    ***
    مناني عديم ظمير **انغالي عزيز ويهون في الاخير **وعلي تنحسب
    ***
    انحبك رسمى.........وتميت كيف الدم داخل جسمى .....مش غير شوق اوود
    ***
    ميت موت على شوفتهم ****** يحسابوا عقلى فايتهم
    ***
    خير ماانواعيك . . . عطيني رقم نومك بيش نحلم بيك . . . وتغمض عيونك
    ***
    وينك ياغالي جافينا . . . اتفكر فينا . . . والا مع الدنيا رامينا
    ***
    كان انسيت قديم بسية .... نبقا ماني داير غية ...
    ***
    راكم اعيوني .. و ناس وااجده بودكم حسدوني .. عليكم انلوم لو تنسوني
    ***
    يا شاغلني .. كانك حضرت الدفن امغير احضني .. بالك الروح اترد
    ***
    ماإيداوي عينى خاطيهم .. ناس عزاز خديت عليهم .
    ***
    غلاكم يالولاف مليح .. خلانى نوقف وإنطيح
    ***
    نكتب جوابي ونبعته بخبركم يا ساكنين القلب متفكركم
    ***
    بلاك لا زها لا نوم ندعليلك الله لا يغيبك
    ***
    الباهي ما يقول غير الباهي وإن شاء الله فرحان ديما زاهي
    ***
    يا العزاز غلاكم قاعد في عقلي ماهو متباعد
    ***
    يامكبرها تاكل في اعروقي نار من يبصرها ... كبيرة عليه العقل
    ***
    داير عليك اكبيدة حتى ابعاد في قلبنا تنهيدة صعيبة الحياة
    من بعد عشرة وطيبة والقريب اتسيبة
    بالله يانفس ما اديري العيبة كوني صبورة بعد طول الغيبة ..
    ***
    يامرهون دبر امعاي عليها..... انحطك مكان الروح والا فيها
    ***
    حتى إنكان أعزاز نسون ى فى وسط الوارد يلق ونى
    ***
    مااتحس نار البعد لين اتجرب .. تاريتنى مالى اعزوم عليها
    غير كيف وامتى ياعزيز اتقرب .. تنشد عيك العين بيش اتجيها
    تصدق اقوال عربنا عرفنا بعد جربنا ..النار ماتحرق الا واطيها

    خواطر ليبيه




    خواطر ليبيه

    التعديل الأخير تم بواسطة نورهان الحسينى ; 10-11-2013 الساعة

المواضيع المتشابهه

  1. اشعار حب ليبيه
    بواسطة ريحانة الوادى في المنتدى خواطر شعريه خواطر ادبية عذب الكلام Thoughts Literary
    مشاركات: 0
    آخر رد: 05-11-2013,
  2. اشعار ليبيه مضحكه
    بواسطة ايناس في المنتدى خواطر شعريه خواطر ادبية عذب الكلام Thoughts Literary
    مشاركات: 0
    آخر رد: 05-11-2013,
  3. قصيده ليبيه
    بواسطة فرحه في المنتدى منتدى الشعر قصائد عربية قصايد اشعار ابيات Poetry Poems
    مشاركات: 0
    آخر رد: 04-11-2013,
  4. اشعار ليبيه
    بواسطة ايناس في المنتدى خواطر شعريه خواطر ادبية عذب الكلام Thoughts Literary
    مشاركات: 0
    آخر رد: 02-11-2013,
  5. ابيات شعر ليبيه
    بواسطة العمرلحظة في المنتدى منتدى الشعر قصائد عربية قصايد اشعار ابيات Poetry Poems
    مشاركات: 0
    آخر رد: 02-11-2013,

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •