النتائج 1 إلى 1 من 1

الموضوع: أشعار عتاب وحزن

أشعار عتاب وحزن اتشتري من حاولو يخسرونك *** ولاتخسر الي فكر بيوم يشريك مافيه اجمل من صديق يصونك *** ولا فيه اقسى من قريب يعاديك انا ورب البيت لو يخذلونك

  1. #1
    وردة الارجوان غير متصل طالب ثانوي
    تاريخ التسجيل
    Oct 2013
    الدولة
    شغل التعبئة
    المشاركات
    502
    شكراً
    0
    شكر 0 مرات في 0 مشاركات

    أشعار عتاب وحزن

    أشعار عتاب وحزن



    اتشتري من حاولو يخسرونك *** ولاتخسر الي فكر بيوم يشريك
    مافيه اجمل من صديق يصونك *** ولا فيه اقسى من قريب يعاديك
    انا ورب البيت لو يخذلونك *** مهما حصل لايمكن اني اخليك



    لاتحسب اني إذا ابطيت ناسيك *** ماينسى عشرة صاحبه غير الانذال
    حدتني ظروفي على البعد لاجيك*** هم بوسط القلب والدمع همال
    ولا انت ياكل الغلا افتخر فيك*** وحبك سكن داخل فؤادي ولا زال



    خزنت لك بالقلب عشرة ملايين *** ماهو رصيد فلوس لكن مودة
    زكاة فطرك تغني جميع المساكين *** من الساحل الشرقي الى حد جده
    وامشي معك والله على العسر واللين *** والموت والمقسوم محدٍ يرده



    يارفيق الدرب ماصدق نسيت *** خابرك مهما تعذبني حنون
    لاذكرت ايامك الحلوة بكيت *** ماتهون ايام ودك ماتهون
    راحتي وياك لامنك صغيت *** في ثواني كلها بوح وشجون
    ولاقريت ابيات الرساله وانتهيت*** ودي اعرف في حياتك من اكووووون ؟؟؟



    ياغايب عني لك الحب ماغاب *** مته تجي تشوف همي بعينك
    ماطاب لي جرح ولا خاطري طاب *** مته يديني تحتضنها يدينك
    ياصاحبي لو قالو الوقت كذاب *** يكفي كلامك ودافي حنينك
    لو ان قصدي في الزمن كثر الاحباب *** ماقلت ياساكن الروح وينك


    فدوة عيونك لو غدت روح مغليك *** وش عاد لو راحت لعينك عشاير
    ابيع مايغلى على الكون واشريك *** واسوق لي جتني اعلومك بشاير
    وازعل جميع الناس بالحيل وارضيك *** واصبر ولو دارت على الدواير



    مايصير انساك لا مايصير *** في خفوقي لك محبه واحترام
    قبلك الدنيا مثل حلم صغير *** وعقبك الدنيا غرام في غرام
    انت مثل النور في عين الضرير*** لالمحتك مابقى حولي ظلام
    فيك عمري فيك روحي والمصير ***فيك كل ايام عمري والسلام


    كتبت انا في تالي الليل بيتين *** لعيون من يسوى جميع الخلايق
    إلي معاهدني على الزين والشين *** وإلي بشوفة يصبح الفكر رايق
    الصاحب إلي منزله داخل العين *** هو الخوي وقت السعه والضوايق


    يفداك عمري يابعد عمر مغليك *** وتفداك روحي والعيون وسهرها
    ابيع كل الناس يازبن واشريك *** والناس لأجلك مستعد اخسرها
    امر وحنا ياهوى البال نرضيك *** يابسمة ايام العمر ياقمرها


    حبٍ يغيب وصاحبه مابعد غاب *** وحبٍ يدوم وصاحبه في غيابه
    وحبٍ يذوب خافقٍ مابعد ذاب *** وحبٍ يداوي صاحبه من عذابه
    وحبٍ حياته كلها لوم وعتاب *** وحبٍ حقيقي مايضرك عتابه
    وحبٍ بلا معنى وحبٍ بلا اسباب *** يبدأ غريب وينتهي في غرابه


    سلام مني ياصلك فوق بطه *** بطه كبيرة من كبار البطاطي
    ياراكبٍ ديك سريع محطه *** ان طار طاح ولا تشيله مواطي
    بعض العرب ودك لسانه تربطه *** وإذا انفلت زودٍ عليه الرباطي
    والحبل في دنياك لازم تنطه *** والشوي مايصلح بليا طماطي


    لاتحسب اني إذا ابطيت ناسيك *** ماينسى عشرة صاحبه غير الانذال
    حدتني ظروفي على البعد لاجيك *** همٍ بوسط القلب والدمع همال
    ولا أنت ياكل الغلا افتخر فيك *** وحبك سكن داخل فؤادي ولا زال

    سلام ياحرٍ على بيض الاوكار *** حرٍ مواقيعه بروس الجبال
    حرٍ ليا وقع وحرٍ ليا طار*** وحرٍ يهابونه قروم الرجالي
    حلياه تذهل كل عاشق وصقار*** عند العرب يضرب بطيبه مثالي

    خاص لك انت ة
    الخواطر سايحه والشك زال ** ومن عرف مثلك عرف قيمة خويه
    والذهب وان حاولوا ماله بدال ** والمشاعر بالغلا ماهي خفيه
    والنوايا الصافيه اصدق دلال ** ويشهد الله شوفتك مثل الهديه


    بعض المواقف تجي وتروح ماتبقى ** وبعض المواقف صداها بالعمر باقي
    ياصاحبي لامعي تتعب ولاتشقى ** يتبدل الوقت واخلاقي هي اخلاقي
    إن جيت ارحب واذا ماجيتني تبقى ** مال الردي والطيب عهد وميثاقي



    تفضل ترى بالقلب دارك ومنزالك ** على ماتبي نفسي تجي وانت راعيها
    ترفق بقلب صرت تلعب به لحالك ** يقول القصايد وانت بعده تغنيها
    أحبك وأحب اسمك ورقمك وجوالك ** وأحب الديار اللي رجولك مشت فيها


    ماكل عين تذرف الدمع بأحزان ** وماكل من يضحك يعيش بسعاده
    كم واحد دمعه على الخد هتان ** من زود همه يذرف الدمع عاده
    يحاول انه يبتسم قدر الامكان ** ويضحك ونار الحزن تحرق فؤاده


    عزاه ياقلب ظروفه تحداه ** مامر به يوم من الهم سالي
    وعزاه ياقلب فقد كل قواه ** وشدة عليه الحمل سود الليالي
    على حبيب مابقى غير ذكراه ** اللي بنومي شفت زوله قبالي
    وفزيت من نومي ابي القرب وياه ** وجدت نفسي في فراشي لحالي


    ماكل من يضحك بوجهك يودك ** ولا كل من يبكي بكى صدق واحساس
    أحدٍ بكى في غيبتك يوم صدك ** وأحدٍ ضحك يومك عليل ومحتاس
    عش في حقيقه واعرف اللي يحبك ** واعرف قدر من هو يعزك من الناس


    سلام لك من صادق القلب مشروح ** ياللي غلاك بداخل القلب ماراح
    ناس تجي وتروح ماهزت الروح ** وناس غلاها ثابت وسط الارواح
    ياللي بنيت من الوفا قصر وصروح ** قصر مشيّد مع هل الجود ماطاح


    ياصاحبي كلن يولم جوازه ** ترى رفيقك خاطره حيل تعبان
    اسرع تراني متجه يم كازه ** ودي ترافقني على خط تطوان
    ناس كرمهم في بنات وقزازه ** وحنا نحسب ان الكرم ذبح خرفان


    ماني من اللي يرخص النفس لاضاق ** ولاني من اللي يرخص اليوم غالي
    سبحان ربي كرم النفس بأخلاق ** الطيب عمي ومصدر الجود خالي
    واللي يبيني يمه الروح تنساق ** واللي سلاني عنه القلب سالي


    وهذي مسجااااات حزن وعتااااااب

    أخذت من الزمن حكمة

    وتبقي للأبد نبراس

    متي ماطال بي العمر

    تبقي دوم بلساني

    عرفت إن الخيانة طبع في عمر الزمن والناس

    إذا ماخان بك واحد أكيد بيخون بك ثاني.



    محتاجك بدنيا قست فيها قلوب البشر

    محتاجك في وقت تعب مني الصبر

    ياخوفي تغيب والوقت علي يمر

    آآآه وياخوفي ماألقاك والدنيا بعدك ماتسر

    حبيبي تعال تعال تعال تعال لاتنسي قلب صانك ولا عمره غدر.



    ماني الوحيد إللي من الحب مجروح

    كم واحد بهدنيا من الحب قد صاح

    بعض الألم ياخذ أيام ويروح

    وبعض الألم تمضي له شهور وسنين ماراح

    إذا الهوي عندك سواليف وضحك ومزوح

    أنا بقلبي آهات وحزن والآم وتناهيد وجراح


    .


    إلتفت صوبي وعاهدني عهد
    قبل تنساني تنسيني غلاك عفت أنا حبك
    ومليت من دربك
    وصار فراقنا أرحم
    من التعذيب في نارك
    انا مليت ذاك الحب
    ولاعندي امل رجعه
    لغيري وفر أعذارك
    نويت أبعد
    نويت أنساك
    وإذا عيني لمحت عينك
    نسيت كل ماقلته
    " وحبيتك "





    أعرف انك ..
    تعرف اني ..
    ( أحبك )
    مابها تشكيك!
    ولكنك ..
    ( بنفس الوقت )
    تنسى انك
    (نظر عيني)

    نعم .. مجنون
    مابيهم..
    يقولوا : (ربنا .. يشفيك)
    مادام ..
    ان حبك جنووووني
    ( ( عسى الله لايشافيني ) )





    كنتي
    (مالي) و (ماسي) و (اذهبي)
    كيف صار
    (المنتصر) فيك (مغلوب)
    لو شمال من الهوى
    لو تغربي!!
    لو (شراعك) في (بحر)
    غيري يجوب!
    ما تلاقي مثل
    ((قلبي)).. وجربي!!
    لا يمل..
    ولا يخون..
    ولا يتوب..!!



    لو قلت لك قصة حياتي بالابيات
    كان ادمعت عينك بدل دمعها دم
    محبوس منها داخل العين عبرات
    وقلبي في ذكراها حزين ومهتم
    قصة تعاسه حزن آلام وآهات
    جرح وعذاب القلب هم ورى هم




    أصبر ياقلبي وأنتظر خل الحزن مكتوم
    كل المعاني تغيرت وأتضحت الصوره
    صار الصدق في هالزمن مثل الوفا معدوم
    ونفوسنا تجرحت والفرحة مكسورة
    كل المبادئ تنشري واللي معاه يسوم
    حتي المشاعر ارخصت والكلمة مهدوره





    تخيل وأنا جالس بين
    الناس وحداني!
    تذكرتك وقمت أضحك
    بس العين زعلانه !
    راحت تشتكي وتقول:
    متى بشوف خلاني ؟
    وفجأه !
    إذا بالناس بدت تسأل ؟
    ورى عينك تصب الدمع ؟
    عسى ماهو خبر شين ؟
    تبسمت وقلت لهم:
    لا ! جفون العين تعبانه !



    بنيت للاحزان من عقب فرقاك
    قصر طويل خالدٍ في حشايا

    وطفيت شمعات الامل في ملا قاك
    والله بموت الحب يجبر عزايا

    مات الامل والقلب عامر بذكراك
    ماعاد اميز ضحكتي من بكايا





    دريت ان الوفا أصبح نهار ندفنه باليل
    ودريت ان الصدق كذبه مثل كذبة مواويلي

    وعرفت ان الأمل خيط تعلق به ضعيف الحيل
    وانا أول من تعلق به وانا ادري فيه تضليلي

    يموت الحلم في عيني وتشيله دمعتي وتسيل
    ملامح وجهي دموع تعزيها مناديلي





    غيرك امانه خوف والخوف امانك
    ماكل من راعاك تقدر تراعيه
    حتى لو عليت بالقلب شانك
    ابقى يتيم الحب جرحي اقاسيه
    اعذرك لا حطيت نفسي مكانك
    لا صرت فاقد شي وشلون تعطيه



    وآخيراً


    هذي حياتي بين حرف وكلمات

    ياللي نشدتني وراك انت مغتم ؟




    اذا كنت ناسيني
    والرساله ذكرتك فيني
    احذف الرساله
    وارجع انساني



    دام ان حبي
    على قولك يوطي الراس
    مع السلامه حبيبي وارفعه راسك


    لا تظن القلب بعد المذله لك يميل
    اعتبرني يا سيدي في حياتك عابر سبيل



    اعلن رحيلك قدر الامكان
    بس بفراق يكون باسلوب هادي
    ما ودي بفرقى الم ودمع واحزان
    ودي يكون فراقنا بشكل عادي




    اذا طلع لك قلب وعرف تشتاق
    تعال دورني تلقاني مكاني
    وان كان قلبك نايم ما بعد فاق
    خله الين يفوق مع جرح ثاني
    ابشرك ما عاد يوجعني فراق
    واقسى وجع فيني يزول بثواني





    خطاي اني منحت الحب شخص وقابله بنكران
    طمعت احسب طمع قلبي بحبك يكسب ارباحه
    وعرفت انه ما تورثته من ابوي آدم طمع انسان
    خسر ملك جنان وراحته باسباب تفاحه



    من انا بحياتك؟؟
    مجرد حبيب تسليت معاه
    وبالنهايه تركته!
    مجرد ذكرى مرت
    بحياتك ونسيته!
    أو معلم حبيبت يعلمك الغرام
    وبالاخير جرحته




    غرتك طيبه خفوقي لعن ابو جدك
    صار التصدد في تالي الوقت لك عاده



    ما يهمني حضنك لو كان دافي
    هذاك يوم كل كلي فداياك
    بيح جفاك بخاطري كل خافي
    واليوم انا اكره من بدالي بطرياك




    كلي اسف يا من اخطيت اختياري
    كنت لي عزوتي وناسي
    مدري انك اول اعدائي



    لا عشق
    لا حب
    لاهم
    صارت انا عندي شهاده
    الشخص محد يحبه
    غير بس هم والدينه


    .


    لا تغير الموضوع لا قلت وش فيك
    اذا تبي الفرقى ترى الوضع عادي





    نويت ارحل عن عيونك وابتعد
    وانساك
    واطوي صفحه الماضي
    وكل اللي مضى وياك



    انا ماني هذاك اللي اذا ضاقت عليه يعود
    انا يالضيقه تنسفني يا اما الضيقه انسفها


    من باعني برخيص
    بتراب ينباع
    وماني بحاجه لحب
    راعيه خداع



    شيل من راسك حكايه ترجع
    ما بقالك في فؤادي متسع
    انت جرح كان في طرف اصبعي
    وابصراحه ما أذكر في اي صبع





    الورد يذبل لي يبس منه العود
    والماي لو عندي انا ما سقيتك
    صحيح حبيتك على قدر محدود
    وسر الخوافي في ضميري عطيتك
    غشيم كنت احسبك تحفظ سدود
    أثريك جاهل لاجل هذا رميتك





    اتصل بي و اسال وسلم دام عيني منك مقهوره
    هاجرني ليش ماترحم فرحتي وياك مكسوره
    من شهر في الحب تتكلم وانت جاهل علم دستوره
    والله انك صرت ما تفهم في معاني الحب و بحوره
    غصب لاخليك تتعلم تحترم هذا القلب و شعوره

    أشعار عتاب وحزن



    أشعار عتاب وحزن

    أشعار عتاب وحزن


    أشعار عتاب وحزن
    التعديل الأخير تم بواسطة وردة الارجوان ; 06-11-2013 الساعة

المواضيع المتشابهه

  1. صور أشعار عتاب
    بواسطة سنابل في المنتدى منتدى الشعر قصائد عربية قصايد اشعار ابيات Poetry Poems
    مشاركات: 0
    آخر رد: 03-11-2013,
  2. أشعار عتاب وفراق
    بواسطة الخبير في المنتدى منتدى الشعر قصائد عربية قصايد اشعار ابيات Poetry Poems
    مشاركات: 0
    آخر رد: 03-11-2013,
  3. اشعار حب وحزن
    بواسطة سنابل في المنتدى منتدى الشعر قصائد عربية قصايد اشعار ابيات Poetry Poems
    مشاركات: 0
    آخر رد: 02-11-2013,
  4. اشعار عتاب وحزن
    بواسطة جنات في المنتدى منتدى الشعر قصائد عربية قصايد اشعار ابيات Poetry Poems
    مشاركات: 0
    آخر رد: 02-11-2013,
  5. اشعار فراق وحزن
    بواسطة زهرة الياسمين في المنتدى خواطر شعريه خواطر ادبية عذب الكلام Thoughts Literary
    مشاركات: 0
    آخر رد: 02-11-2013,

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •