النتائج 1 الى 1 من 1

الموضوع: الشاي الاخضر للبشرة

  1. #1
    الصورة الرمزية الخبير
    الخبير غير متصل يمون على المشاغبين
    تاريخ التسجيل
    Oct 2013
    الدولة
    السباحة
    المشاركات
    1,120
    شكرا
    0
    شكر 0 مرات في 0 مشاركات

    الشاي الاخضر للبشرة

    الشاي الاخضر للبشرة




    اكتشف العلماء انه اذا ما شرب منه عدت اكواب في اليوم فانها كفيله بحرق مئات السعرات الحراريه

    ||هالمعلومه غير اكيده وحتى اذا كان ذلك فانها قد تسبب نتائج عكسيه لانه اولا واخيرا شاي وفي من الاطباء مانفى انقاصه للوزن رغم الفوائد الكبيره له ومنهم وكثير شفت في محرك البحث من اكد على ان تناول 3 اكواب يوميا يسوي في الجسم اللي مايتسوى ||

    خلينا في خبير التجميل
    ربط بين ازالته الفعاله لدهون الجسم وقال اجل كيف راح يكون مفعوله على الجلد
    سوا دراسته
    اكتشف انه
    منظف عميق للوجه
    ومعقم
    ومزيل للمكياج
    وهو كفيل بازالة كل الشوائب من البشره
    تصدقون اني ركنت كل هالمواد التجميليه على الرف

    واستبدلتها بالشاي الاخضر

    هالمستحضرات ضروريه

    لان غسيل الوجه بالصابون او خلنا نقول تنظيفه بالغسول لايكفي يحتاج الى (المنشط ) او اللوشن المنقي اللي يكون يباع على شكل بخاخ
    واللي مايعتقد هالشي يجرب يغسل وجهه بالصابون وياخذ قطعه قطنيه فيها شاي اخضر ويمسح بها على وجهه اذا لم يكن هناك شوائب فلا يحتاج لمعقم وان كان فبالطبع يحتاجه

    ومزيل المكياج اذاماستخدمتيه في ازالة الماكياج فستجدين البثور في انتظارك خاصه لو نمتي بمكياجك
    هذا غير الجفاف لان ماينفع تزيلينه بالصابون يجفف البشره

    الشاي الاخضر يشيل كميه كبيره من المكياج بلمسه وحده

    في شي يحبونه البنات ومنهم من تحلم فيه انهم يوردون
    واذا الجسم ورد ( يعني اخذ اللون الوردي )هذي علامه صحيه معناتها ان الدوره الدمويه تحركت فيه

    في شي مهم تخلطونه مع الشاي الاخضر >> ماء الورد سر جمال الايرانيات هذا بعد يورد

    واذا تبون تنظيف عميق جدا للبشره باوراق الشاي

    بعد مانخليها من 3الى 5 دقائق نفتح كيس الشاي ونفرك الوجه باوراق الشاي وكلما حبيتو نظافه اعمق فركو وجهكم فيه لمده اطول مع كميه اخرى من اوراق الشاي ولاتنسون الكريم المرطب بعدها عشان تشوفون النعومه مع النظافه اللي لاقبلها ولا بعدها

    اما الاسنان فهذي دراسه نقلتها من مجله صدرت عام 2005 =

    ((((يفيد استخدام الشاي الاخضر
    كغسول جيد للفم
    فهو يحارب بكتيريا الفم الضاره
    التي تسبب الاصابه بتجويفات في الاسنان
    طبقة البلاك
    ورائحة النفس الكريه
    وبما ان الشاي يحتوي على
    الفلورايد
    وحامض التنيك
    فهو بذلك يشكل حماية ووقاية كبيره للاسنان
    لانه يمنع التفاعل بين
    السكر
    والبكتيريا التي تلتصق بالاسنان وتسبب تسوسها ))))

    ابهرتني هالدراسه لان المكونات اللي موجوده في الشاي الاخضر هي ماتحتاجه الاسنان تماما

    ابتداء من الفلورايد
    الا الاطفال اللي تحتاجه اسنانهم من السادسه وللمعلوميه ماينفع نستخدم المعجون والفرشاه للاطفال دون الثالثه كيلا تعيق الفرشاة نمو الاسنان وحتى لايبتلعه الطفل

    والمعجون يضر الاسنان ولايفيدها لانه يحتوي على شيئين = اساسيين في تكوينه ::

    الاول ::
    سولفات لوريث الصوديومsls\

    هي مكون اساسي في كل شامبو كل معجون وكل صابون

    يسبب السرطان سم الله علينا وهذا مافي امل يشيلونه من المكونات !!

    حتى ان اللي اكتشف هالشي >> كلم الشركات وقالهم تراكم حاطين سولفات لوريث الصوديوم وهو خطير يسبب السرطان قالو ندري !! قال حرام عليكم !! قالو ::هو اللي يكون الرغوه مستحيل نستغني عنه @
    يمكن المعجون الوحيد اللي ماعتقد فيه سولفات لوريث الصوديوم هو الخاص بنزيف اللثه بارودونتكس لان مافيه رغوه ابدا
    المعجون هو الشيء الوحيد اللي نقدر نستغني عنه 100 % حسب تجربتي

    مره زارتنا دانتيست طبيبة اسنان وكلمتنا عن انواع سرطانات الفم وقالت لنا لازم نفرش لساننا ! مو كاتبتها غلط لساننا !! لان في سرطانات تصيب الفم انا حسيتها لناس العاديين شبه مستحيله بس للمدخنين كل شي ممكن يجيهم !!!

    عموما تفريش اللسان يسبب الغثيان وبعدين مو متوفر في كل فرشاة
    عن نفسي اكتفي بالمضمضه بغسول الشاي الاخضر

    والمكون الثاني في المعجون ::

    السكر اللي يسبب التسوس واللي يحذرونا من اضراره على الاسنان انصدمت انه ضمن مكونات المعجون غريبه ماحسيت بطعمه عموما معجونات الشوكولا يعني من بدو يحطون نكهات فيها وبدو يتشكون من بعض المعجونات وانا غاسله يدي منهم

    حتى متخصصي الطب البديل او التكميلي

    يقولون ان المعجون يضر ماينفع

    في معجون وحيد ياباني نلقاه في المحلات اللي تبيع كل مايخص متبعي نظام المايكروبايوتيك

    يتكون من الملح ومحروق الباذنجان
    هذا اللي يبيض الاسنان بياض مسكت
    ولانه مو متوفرفي الصيدليات وحتى ايجاده >> نصحو بغسول الماء والملح
    **بس متخيلين الملوحه على الريق وقبل النوم ؟!!
    الشاي الاخضر مذاقه مريح لامالح ولا حالي **

    وانا قريت هالخبر ورحت للمطبخ حقل تجاربي الجديد ونجحت التجربه

    في دكتورة قرات عنها سوت دراسه عن فائدة الشاي الاخضر في علاج حب الشباب(( واللي عجبني فيها انها دكتوره عاديه يعني مو طب بديل وكذا يعني يمكن تسوي مستحضرات طبيه وطبيعيه وسمعت ان الادويه تحتوي على 70% مواد طبيعيه ))ومعروف دور فيتامين ه في علاج حب الشباب سواء على شكل اقراص او على شكل كريم
    يعني يعتبر علاج اساسي لحب الشباب

    اكتشفت هالدكتوره ان الشاي الاخضر افضل من هالفيتامين بكثير في علاج حب الشباب اعتقد بنسبة 90%

    بصراحه ماحد معطيني وجه على هالمعلومات !! هم يشكون ان شركة الشاي الاخضريعطوني نسبه !!
    ماينلامون لاني مسويه لهم دعايه جامده

    طيب ومع اللثه ::

    الناس اللي عندها نزيف في اللثه ماتقدر تنظف اسنانها عدل لانها وهي تنظفها تجرح في لثتها

    وايضا اللي قاطعت التفريش مده طويله فلازم ماترجع تفرشها بشكل عادي لازم تداري عليها تفاديا لنزيف اللثه ومع كذا ماتسلم منه

    مع الشاي الاخضر تتعاملون مع اللثه براحتكم يعني تحركون الفرشاه على مزاجكم وماله داعي تدارون

    لانزيف لثه ولا شي اصلا انتو لما تشربون الشاي ماتحسون بجفاف في لثتكم او تماسكها نوعا ما ؟!

    لهالسبب ناهيك عن الم الاسنان الحساسه اللي راح تتخلصون منه نهائيا وعن تجربه

    اتمنى تستخدمونه مع فرشاتكم وتنسون المعجون للابد
    راح يتغير لون الفرشاة طبعا
    واذا استخدمتو الشاي وهو ساخن ممكن يخشوشن ملمسها
    عشان كذا راعو لازم يكون الشاي بارد قدر الامكان وتغسلونها زين بعد استخدام الشاي
    مايحتاج اوصيكم الشاي بدون سكر

    على فكره انا مهما افرش بمعجون الاسنان لازم تبقى رواسب على الاسنان اذا ابي ازيلها معناتها اني راح اتسبب في نزف اللثه بس بعد الشاي الاخضراحس ان اسناني فعلا نظيفه

    مم بس من يسمع كلامي عساكم تسمعونه والله مابتندمون


    تجربة انسانيه

    سوو شاهي اخضر بدون سكر خلوه شوي
    بعدين شيلو كيس الشاي
    شربو منه شوي
    وفرشو اسنانكم بالباقي

    وخذو كيس الشاي وفركو وجيهكم باوراقه

    وشوفو المرايه شفتو اللون الوردي ماقلت لكم بتوردون

    واذا بغيتو تستخدمونه كمنشط للبشره يعني تنعشونها فيه

    حطوه في علبة فيها بخاخ مع ماي الورد اللي يقولون انه سر جمال الايرانيات
    زيلو فيها الماكياج وانعشو بشرتكم فيها من وقت للثاني



    الشاي الاخضر للبشرة




    الشاي الاخضر للبشرة




    موضوع حصري على المشاغبين فقط
    التعديل الاخير تم بواسطة الخبير ; 24-10-2013 الساعة

المواضيع المتشابهه

  1. ما فائدة الشاي الاخضر
    بواسطة سندريلا الشرق في المنتدى فوائد و اضرار اشياء مفيدة مضرة Benefits Damage Useful Harmful
    مشاركات: 0
    اخر رد: 22-10-2013,
  2. فواد الشاي الاخضر
    بواسطة فيحاء في المنتدى فوائد و اضرار اشياء مفيدة مضرة Benefits Damage Useful Harmful
    مشاركات: 0
    اخر رد: 22-10-2013,
  3. فائدة الشاي الاخضر
    بواسطة عاشقه الليل في المنتدى فوائد و اضرار اشياء مفيدة مضرة Benefits Damage Useful Harmful
    مشاركات: 0
    اخر رد: 22-10-2013,
  4. مافائدة الشاي الاخضر
    بواسطة كنوز في المنتدى فوائد و اضرار اشياء مفيدة مضرة Benefits Damage Useful Harmful
    مشاركات: 0
    اخر رد: 22-10-2013,
  5. مافوائد الشاي الاخضر
    بواسطة كنوز في المنتدى فوائد و اضرار اشياء مفيدة مضرة Benefits Damage Useful Harmful
    مشاركات: 0
    اخر رد: 22-10-2013,

المفضلات

المفضلات

ضوابط المشاركة

  • لا تستطيع اضافة مواضيع جديدة
  • لا تستطيع الرد على المواضيع
  • لا تستطيع ارفاق ملفات
  • لا تستطيع تعديل مشاركاتك
  •